Центарот за институционален развој-ЦИРа за претставниците од деловниот сектор одржа четири Работилници за примена на Законот за донации и спонзорства во јавни дејности.

 

На работилниците, вкупно 70 претставници од 47 претпријатија во Македонија имаа можност да се запознаат со процедурите за користење на даночните поттикнувања предвидени со законот, како и да се запознаат со практични примери за пресметка на даночните ослободувања кај данокот на добивка во случај на реализирана финансиска или материјална донација и/или спонзорство, како и со даночните поттикнувања кај персоналниот данок,  ДДВ и даноците на имот.

Работилниците беа организирани од страна на Центарот за институционален развој-ЦИРа во соработка со Стопанската Комора на Македонија , а финансиски беа поддржани од Британската Амбасада.